Tashkent

Ti Tashkent (Uzbek: Toshkent, Тошкент [tɒʃˈkent]; Ruso: Ташкент, [tɐʂˈkʲɛnt]; literal a "Siudad ti bato") ket ti kapitolio ken kadakkelan a siudad ti Uzbekistan. Ti opisial a nairehistro a populasion ti siudad idi 2012 ket agarup a 2,309,300. Gapu ti puestona iti Tengnga nga Asia, ti Tashkent ket naimpluensiaan iti nasapa a pakasaritaanna babaen dagiti Sogdiano ken Turkiko, sakbay itiIslam idi maika-8 a siglo AD. Kalpasan ti pannakadadaelna babaen ni Genghis Khan idi 1219, nabangon manen ti siudad manipud iti Kalsada Seda. Pinarukma daytoy babaen ti Imperio ti Rusia idi 1865, ken kadagiti panawen ti Sobiet nakagun-od iti nangruna nga idadakkel ken dagiti panagbalbaliw iti demograpia babaen dagiti napilit a deportasion manipud iti amin a parte ti Kappon ti Sobiet. Ita nga aldaw, kas kapitolio ti nawaya nga Uzbekistan, ti Tashkent ket addaan iti adu ti etnikona a populasion ken ti kaaduan ket ti etniko dagiti Uzbek.